Suragh dy ga kaheen ja k maah-o-saal me tu
Kahan rahy ga mere kooza-e-khyal me tu
Parai dhoop se aangan ki teergi achi
Ulajh raha hy ye kis roshni k jaal me tu
Tujhe khabar nahi urti hy khaak-e-jan kese
Ghira nahi ksi andesha-e-zawal me tu
"Main dekhta hon lakeeron ki sarhadon me tujhe
Likha hua hy mere dast-e-kamal me tu"
Tujhe main mang raha hon
ye kis bahany se
Chupa hua hy meri khwahish-e-sawal me tu
Ksi ki ankh se khwabon ki kirchiyaan chun kr
Ab ek umr se betha hy kis malaal me tu
Kahan gya tere andar ka khud'parast Zafar
Bikher gya hy Q ksi k jamal me tu
No comments:
Post a Comment