Tujhe Kitna mera Khyal Tha

mujhe Aisa Dard Ataa Kiya
Jo Na Hijr Tha
Na Visaal Tha
mere Mosamon K Mizaaj'daan
Tujhe Kitna mera Khyal Tha

Khon-E-Dil Se Likha To Tha
Tere Saal-E-Hijr Ka Saniha
Jo Bohat Adhora Sa Reh Gya
Wo Na Jany Kon Sa Saal Tha

Ksi or Chehre Ko Dekh Kr
Teri Shakl Zehen Me Aa Gai
Tera Naam Ly K Mila Usy
mere Haafizy Ka Ye Haal Tha

Kabi Qurbaton K Diyaar Me
Kabi Chahton K Ghubaar Me
Wahan Umr main Ne Guzaar Di
Jahan Saans Lena Muhaal Tha

 

Dil wo pagal

Jagti raat k Honton pe fasany jese
ek pal me simat Aye hon zamany jese

Aqal kehti hy bhula do jo nahi mil paya
Dil wo pagal k koi baat na maany jese

Rasty me wohi manzar hain purany ab tak
Bs kami hy to nahi log purany jese

Aaina dekh k Ehsas yehi hota hy
Ly Gya waqt ho umron k khazany jese

Raat ki Ankh se tapka hua Anso "WASI"
Makh'mali Ghaas pe moti k hon Daany jese

 

Wo Ab Miley B To

Dar_e_Qafs Se pary Jab Sba Guzrti Hy
Kisey Khabr K Aseron Pe Kiya Guzrti Hy

Ta'alloqat Kbi Iss Qadr Na Toty Thay
K Teri Yaad B ho k Khafa Guzarti Hy

Wo Ab Miley B To Milta Hy Iss Tarah Jaisy
Bujhy Charagh Ko Chho Kr Hawa Guzarti Hy

Ye Ehl_e_Hijr Ki Basti Hy Ehteyat Se Chal
Musebaton Ki Yahan Inteha Guzarti Hy

Na Poch Apni Ana Ki Baghawatain Mohsin
Dar_e_Qaboliat Se Bach Kr Dua Guzarti Hy

 

Guzarty Lamho Mujhe Batao

Guzarty Lamho Mujhe Batao
K Zindagi Ka Asool Kya Hy

Agr Tamam Hathon Me Aainy Hain
To Q Kisi se Chupa Hua Hy

Agr Sada Ka Wajood Kanon Se Munsalik Hy
To Kon Khushbu Me Bolta Hy

Agr Samundar Ki Had Hy Sahil
To Q Ankhon Me Phelta Hy

Agr Tamam Chizain Yehi Hy
To Q Chizon Se Mavra Hy

Kisy Khabar Bdalti Rut Ne
Purany Patton Se Kya Kaha Hy

Ye Q Baadal Se Ja K Pochy
K Itne Mosam Kahan Raha Hy

Guzarty Lamho Mujhe Batao
K Zindagi Ka Asool Kya Hy

 

k In Ankhon Ne

Tum Ne Baarish Ko
Mehez Barasty Dekha Hy
Main Ne Baarishon Ko
Kuch Kehty
Sunty Dekha Hy

Tum Dekhte Ho Barishon
Ki Jal Thal Hr Saal
Main Ne Barsat Ko Bar'ha
Palkon Pe Machalty Dekha Hy

Kese Maangon Phr Barasta
Saawan Apne RAB Se ??
k In Ankhon Ne Bastiyon Ko
Sawan Me Ujarty Dekha Hy

Seekh Gye Hum Barsihon Ko
Apne Andar Utarny Ka Fun
or Phr Sab Ne Humain
Har Dam Hansty Dekha Hy

 

Kabi baarish saja dena

barasti boond chun chun kr
koi gajra bana dena
mere hathon me
balon me
kabi baarish saja dena

ksi khushbo ka an'dekha sa aanchal
oorh lon ser se
gulabo
kuch lamhy ko tum
mujhe apni adaa dena

wo mere hath pr honton ko rakhy
pyas k dukh me
isi khatir hatheli pr
koi daria bana dena

bikharti dhop se chehre
main behty aab pr dekhon
zara paani me apne aks ka manzar mila dena

main bhar lon hath ka piyala
sunheri dhop kirno se
mere soraj ko darya k
kinary pr bula dena

usi k hath rakh dena
baharon k sabhi mosam
mujhe titli k per dy kr
baharon ki dua dena

meri ankhain jaga k tum
jo mere khwab parhty ho
suno !
jany se kuch pehle
meri ankhain sula dena

 

Titliyan Q Safar Me Rehti Hain

Aably Pochty Hain Paun Se
Kya Mily ga Tumhain Wafaon Se

In Munderon Pe Kuch Chiragh B Thy
Kon Pochy ga Ab Hawaon Se

Bastiyan Zair-e-Aab Aati Gain
Hont Jalty Rahy Duaon Se

Titliyan Q Safar Me Rehti Hain
Bachiyan Pochti Hain Maaon Se

Bhook Ki Dhoop Humko Kha Jati
Bach Gye Mehnaton Ki Chaun Se

Dil Ne Hijrat Kabol Kr Li Thi
Hoosly Ho Sky Na Panu Se...

 

Her Saans Sisakti Rehti Hy

Mere Pyase Khwab Jazeeron Pr
Umeed Tarapti Rehti Hy
Ek Aas Machalti Rehti Hy
Ek Sawan Aag Lgata Hy
Bin Barsy Guzry Jata Hy
Ye Jeewan Tanha Tanha Sa
Ye Rahain Sooni Sooni Si
Meri Jagi Jagi Ankho Ko
Q Hr Pal Chubhti Rehti Hain
Ksi Hamdam Ki Ksi Raah Ki
Umeed Me Jagti Rehti Hain
Dil Seeny K Is Pinjry Me
Q Be'kal Be'kal Rehta Hy
Khamoshi K Is Pardy Me
Jany Mujh se Kya Kehta Hy
Hum Khush Hain Bohat
Ye Baat Alag
 Hr Saans Sisakti Rehti Hy

Muhabbaton ka nasha

Muhabbaton ka nasha ab utarny wala hy
Main janti hon k manzar bdalny wala hy

Main wada karti hon tum b wafa ka ehd kro
Rafaqaton ka zamana guzarny wala hy

Tumhare tarz-e-tabas'sum ne bakhsh di hy hayat
Wagar'na dil mera kis se behelny wala hy

Chaly b aao k hasti ka meri sheeraza
Gham-e-hayat se ab to bikharny wala hy

Wo be'wafa talab-e-ghair me hy sargar'daaN
Mere lye wo bhala kab theherny wala hy

Tamaam khwab jazeeroN pe ZAAT dhond rahi
Mehez gumaan tha soraj nikalny wala hy

 

Kaash hum tum ajnabi hoty

Kaash hum tum ajnabi hoty
Jis trha log hua krty hain
Be'taluq se
be ta'ruf se
Kaash hum tum ajnabi hoty

Be'qarari
na be'kali hoti
Na mukam'mal na Zindagi hoti
Yon na hoti aziyatain Dil me
Zindagi b na hoti mushkil me

Aansoun se na dosti krty
Apne Dil se na dushmani krty
Dosron ki trha hum b khush rehte
Kaash hum tum ajnabi hoty

 

Hum darya darya roye thay

Hum khawabon k beopari thay
par is mein hua nuksan bohat
kuch bakht mein dheron kalak thi
kuch ab k ghazab ka kaal parha
hum raakh liye hain jholi mein
... or sar pe hai sahokaar khara

jab dharti sehra sehra thi
hum darya darya roye thay
jab hath ki rekhaein chup thin
or sur sangeet mein soye thay
tab humne jeevan kheti mein
kuch khawab anokhay boye thay

phir apni ghayal aankhon se
khush ho k laho chirkaya tha
maati mein maas ki khad bhari
or nas nas ko zakhmaya tha
or bhool gaye pichli rut mein
kya khoya tha kya paya tha

jab fasal kati to kya dekha
kuch dard k tootay gajray thay
kuch zakhmi khawab thay kanto par
kuch khaaksatar se kajray thay
or door uffak k saghar mein
kuch doltay dobtay bajray thay

ab ghat na ghar dehleez na dar
ab paas raha hai kya baba
bas tan ki gathri baki hai
jaa tu bhi ye le jaa baba
hum basti chore jate hain
tu apna karz chuka baba

 

Wo pyar b krti hy

Wo pyar b krti hy
or izhar b nahi krti
Jo poch ly koi us se
to iqrar b nahi krti

Wo aisi saada dil hy
k mujhse milne ki duain b maangy
Jab samny aa jaon to
deedar b nahi krti

Agr us se door jaon main
to saans ruk jaye uski
Or koi maang ly mujhe us se
to inkar b nahi krti

Apne qareeb aany se
wo rook deta hy mujhko
Or raah me hayil koi deewar b nahi krti

Mere dil k darwazy pr
wo dastak b deti hy
Or wo darwaza khul jany ka intezar b nahi krti

  

 

Har Shaksh Keh Raha Hai Tujhay Dekhnay K Baad

Har Shaksh Keh Raha Hai Tujhay Dekhnay K Baad
Daawaa Mera Baja Hai Tujhay Dekhnay K Baad

Hum Aa K Terey Shehar Say Wapis Na Jayein Gain
Yeh Faislaa Kia Hai Tujhay Dekhnay K Baad

Sajda Karoon K Naqsh-E-Qadam Choomta Rehoon
Gar Ka'abaa Ban Gaya Hai Tujhay Dekhnay K Baad

Kehtay Thay Tujh Ko Log Maseehaa Magar yahan
Ek Shaksh Mar Gaya Hai Tujhay Dekhnay K Baad

Sajdaa Tujhay Karoon Ga Tu Kaafir Kahain Gain Log
Yeh Kon Soochta Hai Tujhay Dekhnay K Baad..

 

Woh apne ghar chala gaya afsos mat karo

Woh apne ghar chala gaya afsos mat karo
Itna hi us ka saath tha afsos mat karo

Insaan apne aap main majboor hai bohat
Koi nahi hai bewafa afsos mat karo

Is baar tum ko aane main kuch dair ho gayi
Thak haar ke woh sogaya afsos mat karo

Duniya main aur Chahne wale bhi hain bohat
Jo hona tha so hogaya afsos mat karo

Is Zindagi ke mujh pe kayi qarz hain magar
Main jald laut aoongi afsos mat karo

Yeh dekho phir se aagayin Phoolon pe titliyan
Ek roz woh bhi aayega afsos mat karo

Woh tum se aaj door hai kal paas ayega
Phir se ALLAH milayega afsos mat karo

Bekaar gee pe bojh liye phir rahe ho tum
Dil hai tumhara Phool sa afsos mat karo...

 

usey khali hath nah lutana aey KHUDA

usey khali hath nah lutana aey KHUDA !
jab woh mangney ki baat karey

usey meethi neend sula dena us raat,
ghamon ki bheer main jab jaagney ki baat karey

mere dil main uski talab Or berha dena,
jab woh chorney ki baat karey

meri waffa pe woh karey naaz sada
jab woh bewaffa zamane ki baat karey

 

Ye shaam shaam zindagi

Udas hogaya safar
Khili hoi kali bhi ro pari lab-e-hisar-e-gham
Fishar-e-gham bata gaya
Khayal kham zindagi
Ye subha subha mout si
Ye sham sham zindagi
Ye bam bam zindagi
Khud aagahi ka shouq bhi hai
Dhiyaan main racha hua
Tou bayhisii ka ranj bhi
Naseeb main basa hua
Ye baybasi ye baybasi
Ye ashq ashq maykashi
Thathak thathak gaya sama
Khamoshiyan khamoshiyan
Kisi k rukh per ak pall bhi tiktiki
Na jam saki
Baras gai jo chashm-e-dill
Tou dill say bhi na tham saki
Shab-e-panah aaah main na jaany kab
Badal gai
Subuk subuk sadaye dill
Chanan chanan radaye dill
Hawa hawa khayal sab
Juda juda malal sab
Khuda khuda sawal sab
Kabhi tou shah zindagi kabhi ghulam zindagi
Ye subha subha mout si
Ye shaam shaam zindagi
Ye shaam shaam zindagi...........!!

 

Meri hayat-e-rawan ko tamam kar dala

Meri hayat-e-rawan ko tamam kar dala
hawa ke aik hi jhaunke ne kaam kar dala

men chal raha tha umangon ke walwale le kar
kisi ki yaad ne jeena haram kar dala

Azeem kaam the mere jawansali mein
mayan-e-rah mein qissa tamam kar dala

chalan ke khas zawabit the umre rafta men
shajar se toot para be-lagam kar dala

dabow diya tha ghamon mein dil-e-shikasta ko
kabhi jo khas tha us dil ko aam kara dala

 

Andaz-e-Muhabbat Hy

Tumhain Jo Be'sabab Mujh Se
Khafa Hony Ki Aadat Hy
Ye Aaghaz-e-Judai Hy
K
Andaz-e-Muhabbat Hy?
...
Wafa k Rang Me Dekho
Jafa Achi Nahi Hoti
Ksi se dosti me itni
Anaa achi nahi hoti

Chalo ab maan b jao
Bohat ab ho chuki ranjish
Ksi din or kr lena
Ye poori apni tum khwahish

Faqat Kehne ki Batain Hain
Nibhata Kon Hy kis Ko
Chalo Ab Dekh Lete Hain
Manata Kon Hy Kis Ko

Zara tham tham k barsa kar abhi itna

Zara tham tham k barsa kar
abhi itna na rotha kar

Abhi to dur hai manzil
Abhi khud ko na tanha kar

Teri ankhen smandar hen
Samandar ko na sehra kar

Mera dil doob jata hai
Mujhe ase na dekha kr

Hawa mujh se kahe pagal
Na yun raston me betha kar

Wo 1 din chor jaye ga
Usay itna na chaha kar

 

Jin Raahon Par Chalta Hoga Meri Yaad Mein Tadapta Hoga

Jin Raahon Par Chalta Hoga,
Meri Yaad Mein Tadapta Hoga,

Zinda Ab Main Kaise Rahunga,
Shayad Ghar Mein Sochta Hoga,

Mujhse Jo Keh Na Saka Wo,
Ab Wo Khud Se Kehta Hoga,

Guzri Baatein Guzre Lamhe,
Yaad Wo Karke Rota Hoga,

Fursat Ise Ho Ke Na Ho,
Khat Wo Phir Bhi Likhta Hoga,

Udaas Dil Veeran Aankhein,
Rasta Mera Dekhta Hoga,

Sanjeeda Hogaya Hoga Shayad,
Ab Na Shararat Karta Hoga,

Mujhse Bichhad Kar Rota Hoga,
Gam Ko Kitna Samjhata Hoga..

 

BAHARAIN KAB GULSHAN MAIN SADA REHTI HAIN

BAHARAIN KAB GULSHAN MAIN SADA REHTI HAIN.

KALION MAIN
KHOSHBOO TA OMER KAHAN REHTI HAI.

SAWAN AIK HI ZAMEEN PAR
BARASTA TO NAHI.

BADAL KISI DASHT MAIN RUKTA TO NAHI.


JUDA HO JATAYHAIN PATAY BHI DARAKHTON SAY.

FASLAIN BHI
KAT JATIN HAIN KHAITOON SAY.

SAHIL PAY LEHRAY A KARCHALI
JATIN HAIN.

HAWAIN TO BUS CHO KAR NIKAL JATIN HHAIN.


DUNYA MAIN KOI KISI KA HO KAR NAHI RAHA HAI.

TAMAM OMER
KOI YAD KARAY NAHI AESA TO NAHI HUA HAI.

PHIR BICHARNAY K IS
LAMHAY TUM Q UDAS HOTAY HO.

SAMJHO K AIK DOJAY KO HUM NAY
CHAHA HI NAHI THA.

KOI NAGHMA LABOON PAR HUM NAY SAJAYA HI
NAHI THA.

DIL MAIN PALNAY WALAU EHSAS_E_MOHABAT KO DABA DO
TUM.

HAN MAIN AJJ TUM SAY KHETI HUN K MUJHAY BHOLA DO TUM.


MERAY LAFZOON KA YEH HASIL HAI K MAIN NAHI TUMHARAY LIYE...
BICHARNAY SAY KUCH DAIR PHALAY MUJHAY YEH SAB KHENAY WALI..

 

aye kuch abr kuch sharab aye

aye kuch abr kuch sharab aye
us k bad aye jo azab aye

bam-e-mina se mahtab utre
dast-e-saqi main aftab aye

har rag-e-khun main phir charagan ho
samne phir wo benaqab aye

umr k har waraq pe dil ko nazar
teri meher-o-wafa k bab aye

kar raha tha gam-e-jahan ka hisab
aj tum yad behisab aye

na gai tere gam ki sardari
dil main yun roz inqalab aye

jal uthe bazm-e-gair k dar-o-bam
jab bhi ham khanamankharab aye

is tarah apni khamashi gunji
goya har simt se jawab aye

'Faiz' thi rah sar basar manzil
ham jahan pahunche kamayab aye

 

Usi Ko Apne Dil Mein Basaya

Usi Ko Apne Dil Mein Basaya Aur Basaya Kuch Bhi Nahi,
Jidhar Dekha Udar Woh Nazar Aya Aur Nazar Aya Kuch Bhi Nahi,

Duniyaan Walon Ne Bewaja Badnaam Kardiya Mujhe,
Maine Bas Uska Dil Churaya Aur Churaya Kuch Bhi Nahi,

Bas Aik Usi Ko Nahi Khona Chahtay Thay Hum Laikin,
Humne Bas Usi Ko Ganwaya Aur Ganwaya Kuch Bhi Nahi,

Woh Jisko Yaad Kiye Baghair Sotay Nahi Thay Hum,
Usne Bas Humein Hi Bhulaya Aur Bhulaya Kuch Bhi Nahi

 

Main mareez hon tere qurb ka

Tujhe ilm hy ae tabeeb-e-jan
tera pyar meri hayat hy
Main mareez hon tere qurb ka
mujhe door ja k dawa na dy

Yahan sab andhair'parast hain
yahan roshni ki majal kya
ye chiragh phr b chiragh hy
koi aaty jaty bujha na dy

Tum gye dino me jo sath thy
mere qalb-o-jan ka saboot thy
ye bilawaja tera rothna
meri zindagi ko mita na dy

Tere samny mere humnawa
meri dhrknon ki bisat kya
tera is trha mujhe bholna
kahin meri umr ghtaa na dy

 

Aaj aisa krty hain

Guftago k lamhon me
dekh hi nahi paty
hum tumhare chehre ko
tum hamari ankhon ko
aaj aisa krty hain
chashm-o-lab ko parhty hain
baat chor dete hain
jany kya lamha ho ga
jab ye hath hathon se
agr kabi juda ho ga
aaj aisa krty hain
zabt-e-jaan parkhty hain
hath chor dete hain
kash koi samjha dy
log kis trha dil ki
manzilain alag kr k
sath chor dete hain
aaj aisa krty hain
be'sabab bikharty hain
zaat toor dete hain