GOONJ RAHA HAI DIL

GOONJ RAHA HAI DIL MEIN NA'JAANE KAB SE TUMHARA NAAM
AAO RASTA DEKH RAHI HAI GEHRI NEELI SHAAM

BADAL, PERBAT, JHEEL, PARINDAY, JHARNAY, PHOOL, HAWA
POOCH RAHE HAIN YEH SAB MUJH SE TUM AAO GAY KYA?

INN KI UMEEDEIN, MERE SAPNE HONE NA DO NA'KAAM
AAO RASTA DEKH RAHI HAI GEHRI NEELI SHAAM

SER KO JHUKAYE PAER KHARE HAIN, GUMSUM HAIN RAHEIN
MAIN HOON, GHUM HAI, TANHAYI HAI AUR THUNDI AAHEIN

AB AA JAO HONE NAHI DO PYAR KA YEH ANJAAM
AAO RASTA DEKH RAHI HAI GEHRI NEELI SHAAM