Husn-e-shamma likhon

Husn-e-shamma likhon
Ya sharab likhon?
humdam likhon
sathi likhon
Ya khwab likhon?

Tere sarapa-e-husn se hyraan hon Main
Mehjabeen likhon
seher likhon
Ya aftab likhon?

teri zulf jo chupati hy chehra tera
Raqeeb likhon
Nagin likhon
Ya Naqab likhon?

Nazar utha k jo chal dye Aap
be'ruki likhon
bewafai likhon
Ya Hijaab likhon?

khatam ho jata hy zakheera-e-ilfaz
Dil to kehta hy
teri taareef be'hisab likhon...